Please read this poem carefully, this is a real instance, which I saw in westrn suburb of Mumbai.

Kyo mere  Bharat ka vasi karun karahen leta hai,

Yahan ka bachpan, bachpan me hi antim sanse leta hai……!!

Station par khada pratiksha karta tha mai gadi ki…

“Polish” ki aawaz suni jab dus varshiya anadi ki.,

Hath me tha ganda thaila, aur thami thi ghar ki Kaman,

Kapade the kuchh fate hue, par aankhon me tha swabhimaan !!

Kahta polish do rupya, karwale babu kya kar dun.,

Do rupya me tere jute sheeshe jaise chamka dun….!!

Subah ka time hai babu koi bony meri karwa de,

Cream lagakar chamka dunga, do rupya me karwa le..!!

Jhitak rahe the log use, par usme tha vishwaas bada.,

Har vyakti se kare prarthna, ho karke nazdik khada…!!

Tabhi ek babuji bole, chal mere jute kar de…!!

Train ka aane ka time hai, jhat se chamka kar de de..!!

Bachche ka mukh chamak utha, socha meri bohni hogi.,

Soche challis rupya ko bees mujhe karni hogi.,

(He has set a target to polish 20 shoes in a day, for 40 Rs earning)

Jaise hi jute chamka, babu ke panvo me dale,

Train khadi thi babuji to train ke andar ko bhage !!

Gadi me se bole chhutte aaj nahi hai paas mere ,

Katar naina bachche ke the dekh rahe the aas bhare !!

(Please read carefully my last line)

Bachha soche challis me se do rupya hai daan kiye.,

Adtees to phir bhi mere hai prabhu ne jab do haath diye !!