Please read this poem carefuly & if you feell somthing, than please write to me at shreya_aligarh@rediffmail.com. I'll apreciate your comments and I'll try to write much better for you guys.

Mat sowo ab jaago yaaro, tumhe jagane aayaa hun..

Bharat kaise hai mahan, bas yahi batane aaya hun...!!

1- Hindu, Muslim, Sikh Esai, aapas me hai bhai-bhai...(We started this slogen, but still we are not in unit why?? how we followed this slogen check here),

Hindu, Muslim, Sikh Esai, aapas me hai bhai-bhai...

Hindu hai hindu ka bhai, muslim muslim ka hai bhai...!

San setalis (47) se lekar humne yahi pantiyan hai gayi...

Phir bhi mere deshwasio tumhe ekta na aayi....!!

Mujhako hai ahsaas meri dharti maa, tere chhalo ka...,

Le lunga mai gin gin ke, badla tere apmano ka....!

Mai vo kaayar nahi jo teri laaz bacha na paaunga....,

Teri khatir Bhagat Sing, Ajad, Boss ban jaunga...!

Jo meri dharti par karte hai sauda talwaro ka....,

Koi matalab nahi jinhe, karunamay cheekh pukaro ka...!

Tujhe bechkar dhan loota, lete aanand baharo ka....

Tere charno me la dunga sheesh unhi gaddaron ka....!!

Jarjar hai bhart bhoomi, he veero tumhe pukar rahi....

Desh-bhakt tum kaha chhipe, sabke sab to gaddar nahi...!!

SHREYA TIWARI, vatan ki jholi mai jeevan de jayega..,

Katra katra mere tan ka kaam desh ke aayega...!

Apne man ki pida ko mai khul ke gaane aaya hun...

Bharat kaise hai mahan, bas yahi batane aaya hun......

2- He bharat ke netao tum namak desh ka khate ho,

Arth vyavastha ka dhancha kamjor tumi kar jaate ho...!!

Ghotale karte karte, tum namak harami karte ho,

Phir bhi khaadi pahan dikha, sachche neta tum bante ho...! (what is Namak, & what people did for that)

Namak ki khatir hi PANNA ne CHANDAN ka balidan kiya (Panna Chandan in Rajsthan,Pls read history)

Namak ki khatir hi RANA (Rana Pratap) ne barso ban me vaas kiya...!

Ati ka ant sunishchit hai, ek din aisa bhi aayega....,

Nayi kranti hogi bharat me neta na ji payega...!

Bharat maa ka har bachcha teri kartoote jaan gaya..,

Desh ke rakshak hi Bhakshak hai, jan samooh pahchaan gaya....!!

(Now I speek to new generatin kids)

Ae nanhe veero tum raahi ho pathreele rahon ke....

Sambhal sambhal ke chalte jaana, bhadkeele angaaron pe..!!

Are desh ke navdeepak tum bujhe bujhe se mat rahna...,

Ek ek milkar rahna, is dharti ka ho tum gahna....!!

Mujhe yakin tum aaj ke neta ki pahchaan badal doge..,

Dharti ma ki ghavon me pragto ka marham bhar doge...!!

Mai ek chhota sa KAVI hoon utsah badhane aaya hun

Bharat kaise hai mahan bas yahi batane aaya hun.

3- Kaisa Bharat desh yahan par, maanav bhukha sota hai...,

Ek roti ki khatir bachcha, aansu se munh dhota hai....!!

Kahin pade hai seth karodi, kahin haal ye hota hai,

Is antar ko dekh mera man siski lekar rota hai....!!

He Prabhu mujhko do sadbuddhi, mai jo kuchh ban jaunga,

Mai jo bhi kuchh paunga, manavta ko de jaunga...!

Har bande ko path prem ka sikha padha kar jaunga,

Ahankar harna mera, mai sewa karta jaunga....!!

He bharat veero mat darna aise balidano se tum....,

JINE KI TAMANNA DIL MAI HAI TO PAHLE MARNA SIKHO TUM...!!

Himmat vyarth nahi jaayegi, nayi kranti aa jayegi....,

Bharat maa, aise veero par garvit ho muskayegi...!!

Nayi Kranti ki veero ko chingaari dene aaya hoon....

Bharat kaise hai mahan bas yahi batane aaya hoon....!!

This stanza is dedicated to those mothers, who check through ultrasound, if she find the baby is girl than they go for abortion.

4- Laxmi Bai ki gatha Jhansi me gayee jati hai....,

Veer Shivaji ki maata, Jijabai kahlaati hai !!

Sita bhi to naari thi kyo devi maani jaati hai,

Maa tu bhi ek naari hai, phir bhi na tu sharmati hai...!!

Putra hi kul ka deepak kathni, kaise sach ho sakti hai...,

Putra tere jo kar sakte hai, putri bhi kar sakti hai.....!!

Tyag hamesha karti naari, samajh mujhe jab aati hai,

Mere antarman ki pida, ro ro kar chillati hai....!! (now this mother is going for abortion, because her mother didn,t take the same decision)

Dharti par tu aa baithi, to ghranit kratya kar jaayegi.....,

Putri nahi rahegi to dharti sooni ho jayegi......!! (now poor baby girl prays to her mother)

Kare prarthana maro mat maa, mai dharti par aaungi....,

Hatyari mat ban meri, Mai bhi tera vansh chalaungi.....!!

Kaise kaise mai samjhaun apne desh ki naari ko....,

Garbh mai hi putri marwa de us maa atyachari ko..!!

Putri putra ek samjhoge tab kuchh pragati humari ho.., (Now if I can save a girl, than my efforts for this poem should appreciated)

Putri putra ek samjhoge tab kuchh pragati humari ho..,

Ek putri bhi bacha sake kavita teri safal TIWARI ho.....!!

Hatyari matao ko kuchh shiksha dene aaya hoon,

Bharat kaise hai mahan bas yahi bataane aaya hoon.

Thank you, I waiting for your e-mails.